Македонскиот репрезентативец Енис Барди повторно беше стрелец за Трабзонспор во турската Суперлига.
Трабзон доживеа пораз кај Самсунспор (1-3), а Барди беше единствениот стрелец за неговиот тим. Се играше 32. минута, кога македонскиот репрезнетативец успеа да реализира од слободен удар откосо.
Тој од позиција каде најчесто се уфрлува топката во шеснаесетникот успеа да го надмудри целиот противнички тим и да ја затресе мрежата.
Трабзонспор се наоѓа на третото место на табелата во првенството на Турција со 58 бода, додека далеку напред се Галатасарај и Фенербахче.
