Португалскиот ветеран Кристијано Роналдо не можеше да ги задржи солзите откако неговиот тим Ал-Наср го загуби и вториот трофеј оваа сезона во Саудиска Арабија. Во финалето на Купот на Кралот, Ал-Наср беше поразен на пенали (4-5) од Ал-Хилал.

Дуелот се одигра на стадионот „Кинг Абдула“, натпреварот беше со доста шанси и атрактивни потези и беше максимално драматично, а на крајот повторно Ал-Наср остана со празни раце.

Ал-Хилал поведе со голот на Александар Митровиќ во седмата минута, а Ал-Наср израмни преку Ајман Јахја во 88.минута. Во финишот на регуларниот дел имаше дури три исклучувања. Во продолженијата немаше голови, а на пенали подобри изведувачи беа фудбалерите на Ал-Хилал.