Фудбалската репрезентација на Романија забележа импресивна и капитална победа од 3-0 против Украина, правејќи голем чекор кон втората фаза на Европското првенство.

Романците го отворија резултатот со спектакуларен гол на Николае Станчиу, кој со прекрасен удар од далечина го матира Лунин во 29. минута.

Во второто полувреме, Романија продолжи со исто темпо, а Разван Марин постигна нов гол од далечина во 53. минута.

Само четири минути подоцна, Денис Драгуш постигна трет гол за Романија, што беше дефинитивен крај за Украина на денешниот натпревар во Минхен.