Доку направи голема грешка на почетокот на мечот кога во седмата минута им ја подари топката на ривалите, а Шранц ја затресе мрежата на Белгија за предност од 1-0 на Словачка.
Белгија во продолжение од средбата постојано се закануваше, а голем малер беше Лукаку бидејќи ВАР-технологијата му поништи два гола.
Лукаку погоди во 56. минута, меѓутоа видео-системот му го поништи погодокот поради офсајд, а потоа во 86. минута Белгиецот повторно беше стрелец, но ВАР го поништи голот затоа што еден од неговите соиграчи играше со рака во текот на акцијата.
Претходно во групата Е, Романија ја прегази Украина со убедливи 3-0.
Ова беше голема победа за словачката репрезентација, која славеше со 0-1 и ја оствари и првата победа во историјата против треторангираната селекција на ФИФА ранкингот. Помалку изненадувачки, Словачка и Романија имаат по три бода после првото коло во оваа група, додека Белгија ќе мора да прикаже многу подобри изданија во следните два натпревари.
