Фудбалската репрезентација на Украина триумфираше со 2-1 против Словачка во второто коло од групата Е со што се врати во игра за пласман во осминафинале на Европското првенство (ЕП) и направи хаос во групата каде веќе три селекции имаат по три бодови.

Шранц погоди за водство на Словачка во 17. минута, по што неговите соиграчи имаа уште неколку извонредни шанси, но Украина го издржа притисокот.

Во второто полувреме Украина се разигра и во 54. минута преку Шапаренко израмни на 1-1, додека голот за пресврт и победа го постигна Јаремчук во 80. минута.

Романија, Украина и Словачка имаат по три бодови во групата Е, додека Белгија е без освоен бод.