Екипата на швајцарскиот Јанг Бојс го совлада тимот на Галатасарај со 3-2 и со минимална предност ќе оди на реваншот во Истанбул, во финална битка за влез во групната фаза од ЛШ. Уште поголеми чекори направијатимовите на Салцбург и Спарта Прага кои се пред вратите на елитното натпреварување, а Митјиланд пропушти да го совлада Слован Братислава играјќи 1-1.
Салцбург славеше против Динамо Киев на гости со 0-2, со головите на Нене и на Кјергард од пенал, а со ист резултат и Спарта Прага го победи Малме исто така на гости.
Јанг Бојс поведе со 2-0 по првиот дел со двата гола на Монтеиро, а потоа Галатасарај возврати со двата гола на Мики Батчуаи.
Сепак, Јанг Бојс славеше вреден триумф со гол од пенал што го реализира Филип Угриниќ во 86.минута од натпреварот.
Донекаде изненадувачка победа запиша Спарта Прага на гостувањето во Малме исто така од 0-2, со автоголот на Стригер Ларсен и погодокот на Ринес.
Екипата која ја исфрли Струга Трим Љум на стартот на квалификациите, Слован Братислава водеше, но одигра нерешени 1-1 на гости кај Мидтјиланд.
