Лидерот во Примера Барселона го одигра убедливо најдобриот натпревар под водство на Ханси Флик, па сега сериозно настрадаа играчите на Валјадолид кои тотално беа понижени на „Монжуик“.
Каталонскиот гигант тргна моќно и разиграно од самиот старт на дуелот и уште во првото полувреме стана јасно дека ќе ги освои трите бода, бидејќи домаќините постигнаа три гола преку Рафиња, Левандовски и Кунде.
Барса урагански продолжи и во второто полувреме, со тоа што може слободно да се каже дека избраниците на Ханси Флик беа уште поагресивни и можеа да дадат уште плус три гола од оние четири кои ги реализираа.
Рафиња со два гола комплетираше хет-трик и имаше партија за паметење, Бразилецот исто така асистираше и до Феран Торес за 7:0, а претходно во листата на стрелците се запиша и Дани Олмо.
Во следната рунда Барселона ќе оди на петта победа против Џирона на Бојан Миовски. Ваљадолид, пак, гостува кај Селта во Виго.
Барса на овој начин стигна до „четири од четири“ на стартот на новата сезона во Ла Лига, па јасно е дека ќе остане лидер и по оваа рунда во Шпанија.
Головите погледнете ги ТУКА
