Џирона успеа да слави на гостување во Андалузија кај Севиља со 0-2, ланскиот хит на шпанското првенство ја оствари втората сигурна победа.
Со голови на Мартин во 41. минута и Руиз од пенал во 73. минута, Жирона дојде до трите бода од гостувањето кај Севиља.
Првпат на клупата за резервни фудбалери остана македонскиот репрезентативец Бојан Миовски. Штипјанецот доби шанса од клупата на првиот меч по доаѓањето против Атлетико, потоа беше стартер против Осасуна, а сега немаше потреба да влегува од клупата.
Екипата на Алавес славеше со 2-0 против Лас Палмас, додека во голеадата Осасуна беше подобра од Селта Виго со 3-2.
