Реал Мадрид триумфираше над Мајорка со 3:0 во второто полуфинале од шпанскиот Суперкуп, кој се игра во Џеда, Саудиска Арабија.
Фудбалерите на Реал тргнаа офанзивно уште од стартот по водство но по првото полувреме, обидите беа неуспешни.
Реал конечно го скрши отпорот на Мајорка по една мешаница, а Џуд Белингам успеа да ја погоди мрежата.
Тој клучен момент се случи во 63. минута, а во продолжение Реал не се откажа и од втор гол, но ѕвездите на Анчелоти не ги искористија шансите.
Сепак, противникот му помогна на фаворитот во 93. минута, кога при едно додавање на Брахим Диаз топката ја зафати Валјент и си постигна автогол, а две минути подоцна Родриго ги постави конечните 3:0.
Реал со триумфот обезбеди финале во Суперкупот и закажа нов „Ел Класико“ дуел со Барселона во недела.
