Ајнтрахт Франкфурт направи приреди целосен пресврт против екипата на Фрајбург, триумфирајќи со 4-1. Фрајбург поведе во 37. минута, изедначи Коч во 43. минута. Во второто полувреме, Ајнтрахт покажа супериорност со головите на Мармуш, Екитике и Колинс и го демолира противникот.
Екипата на Баер Леверкузен продолжува со победи, совладувајќи го и Мајнц минимално со 1-0. Единствениот гол на натпреварот беше дело на Грималдо во 48 минута, кој постигна гол директно од слободен удар. Со овој триумф, Баер Леверкузен држи чекор во трката за врвот на табелата.
Актуелниот шампион на Германија ја забележа десеттата победа по ред во сите натпреварувања.
„Фармацевтите“ со оваа победа се доближија на само бод од Баерн Минхен.
Тимот на Волфсбург ја декласира Борусија Менхенгладбах убедливо со 5-1. Натпреварот започна со рано водство за домаќините, по пеналот што го реализира Винд во третата минута. Во вториот дел, Волфсбург имаше тотална доминација на теренот, па со головите на Маеле, Арнолд и Нмека, резултатот отиде на 5-0. Единствениот гол за гостите го постигна Фукуда во завршницата.
