Никој не верува дека овој Сплитчанец е само 279. играч во светот според официјалниот ранг …

Борна Гојо (23) направи сензација во четвртфиналето на Дејвис купот совладувајќи го 27. тенисер во светот Лоренцо Сонега и со неговиот меч на кариерата ја донесе Хрватска на прагот од полуфиналето, пренесува Слободна Далмација.

Млад човек од Сплит, висок 197 сантиметри, влезе во тенисот релативно доцна, дури на 12 години, па не беше од оние од кои се очекуваше голема кариера.

– Почнав да тренирам тенис дури на 12 и пол години, пред тоа бев во Спинут и Хајдук, играв полушпиц, а потоа му се налутив на тренерот. Отидов на тенис, освоив утешен трофеј на првиот турнир и им кажав на моите родители дека го менувам спортот. Не им беше гајле, изјави пред две години за С.Н.

Својата тениска кариера реши да ја гради преку американскиот универзитетски тенис. Пред пет години, тој пополнил формулар за апликација за Универзитетот Вејк Форест во Северна Каролина, кој има дури 7.000 студенти. Таму ја завршил втора година економија, а ги унапредил и тениските вештини.

Откако го однесе Универзитетот до титулата првак во првата дивизија на NCAA, тој беше примен од тогашниот претседател Доналд Трамп, а љубовен пар вети дека детето ќе го именува по него.

-Кога ја освоивме титулата, сопругот и сопругата, кои беа бремени, ми пријдоа и рекоа дека детето ќе го крстат по мене,  изјави Борна пред три години.

-Во Сплит сите сакаат да одат на професионален тенис, а овде децата ми велат дека едвај чекаат да играат колеџ-тенис. Градот има околу 200.000 луѓе, Вејк Форест е мал универзитет со седум илјади студенти. Тие инвестираат многу во спортот, неодамна инвестираа околу 150 милиони долари во спортска инфраструктура, а собраа 200 милиони долари од донации. Така ја прават најдобрата теретана во Америка. Кошаркарската сала има околу 15.000 седишта, изјави тогаш Борна, кој иако е левак, игра со десната рака.

Моментално е 279. тенисер во светот, а желба му е да влезе во Топ 150. Кога пред две години стана член на хрватската тениска репрезентација, не го криеше задоволството.

– Чувството е одлично, горд сум што сум дел од репрезентацијата, изјави сплиќанецот на кој без сомнение му претстои светла тениска иднина.