Откако австралискиот суд во неделата одлучи да ја поништи визата издадена на првиот светски тенисер Новак Ѓоковиќ, со што го спречи да учествува на првиот Грен слем турнир во сезоната на Австралија опен, Здружението на тениски професионалци (АТП) објави дека отсуството на Ѓоковиќ од турнирот беше загуба за тенисот.
„Денешната одлука за поништување на визата за влез во Австралија на Новак Ѓоковиќ го означува крајот на тажната низа на настани. Одлуките на законодавниот дом во однос на јавното здравје мора да се почитуваат. Потребно е дополнително време за да се научи од оваа ситуација.
Како и да стигнавме до овој момент, Новак е еден од најголемите шампиони во нашиот спорт и неговото отсуство од Австралија опен е загуба за играта.
Знаеме колку турбулентни беа последните денови за Новак и колку сакаше да ја одбрани титулата во Мелбурн. Му посакуваме се најдобро и со нетрпение очекуваме наскоро повторно да го видиме на теренот“, соопшти АТП, додавајќи дека тој силно им препорачува вакцинација на сите играчи.
