За одлуката на судот да го депортира Ѓоковиќ зборуваше и австралискиот премиер Скот Морисон. „Федералниот суд на Австралија едногласно одлучи да го одбие барањето на г-дин Новак Ѓоковиќ за судска ревизија, со кое се бара да се оспори одлуката на министерот за имиграција да му ја одземе визата. Оваа одлука за откажување е донесена поради здравје, безбедност и ред, бидејќи тоа беше во јавен интерес.одлуката да ги задржиме нашите граници силни и Австралијците безбедни“, рече премиерот.
„Како што реков во петокот, Австралијците претрпеа многу жртви за време на оваа пандемија и со право очекуваат исходот од овие жртви да биде заштитен. За време на пандемијата, заедно постигнавме една од најниските стапки на смртност, најсилните економии и највисоките стапки на вакцинација, како и владеењето на правото“, додаде тој.
„Нашата влада отсекогаш го разбираше ова и беше подготвена да ги преземе одлуките и активностите потребни за заштита на нашите граници. Му благодарам на судот за нивната брза акција по ова прашање и трпението на сите вклучени додека работевме на решавање на ова прашање. Сега е време е да се продолжи со Австралија опен и да се вратиме на уживањето во тенисот во текот на летото“, заклучи тој.
