Американскиот тенисер Бруно Кузухара го победи чешкиот тенисер Јакуб Меншик со 7:6, 6:7, 7:5 во финалето на Австралија опен во јуниорска конкуренција. Натпреварот заврши по три часа и 45 минути, а беше толку исцрпувачки што Меншик беше изнесен од теренот од лекарите во инвалидски колички.
Чехот имаше двојна сервис грешка за победа на Кузухара, по што колабираше и не стана додека не стигнаа лекарите. Во претходниот поен се одигра драматична размена од 33 удари, која Меншик ја загуби, а очигледно заморот го совлада по поразот.
Меншик исто така неколку пати падна во текот на натпреварот и се пожали на грчеви, а на крајот мораше да го напушти теренот со помош на лекарите кои го однесоа во инвалидска количка за да му помогнат. За среќа, нема посериозни последици.
