Русија освои златен медал во екипна конкуренција во категоријата уметничко лизгање, но една девојка, поточно 15-годишно девојче ја одбележа целата Олимпијада.

Нејзиното име е Камила Валијева и стана првата лизгачка во историјата на тој спорт што изведе целосен четирискок во олимписка конкуренција.

Оваа магична девојка дури два пати успеа да го направи тоа, дури и го проба третото, но за жал падна, па беше малку разочарана, но секако во голем стил го одбележа настапот на својот тим.

Исто така, за овој невиден потег, Камила беше наградена со оценка од 178,92, што е за шест поени помалку од нејзиниот светски рекорд.