Голманот на фудбалската репрезентација на Македонија, Столе Димитриевски и по три кола е најдобар во шпанската Ла лига. Тој беше одличен и на мечот против Гранада кој неговиот Рајо Валјекано го доби со 4-0 и ја забележа првата победа во новата сезона.
Во 52. минута имаше одлична интервенција кога спаси чист гол за гостите.
Димитриевски досега во шампионатот на Шпанија собра 15 одбрани на три меча со што е најуспешен во овој статистички податок.
