Радост во Србија: Митровиќ е спремен за дуелот со Бразил

Најдобриот стрелец на Србија, Александар Митровиќ, е подготвен за настап уште на стартот на Мундијалот. Тој не играше на пријателскиот меч со Бахреин (1-5), но во изјава за Јутјуб каналот на Фудбалскиот сојуз на Србија истакна дека е подготвен за игра.

„Да не бев подготвен, немаше ни да бидам повикан. Подготвен сум! Работам, опоравувањето е при крај, уште ден-два. Од понеделник се враќам, се е во ред “, изјави Митровиќ и ја воодушеви јавноста во својата земја.

Србија на Светското првенство започнува на 24 ноември, прв противник е Бразил, а со Митровиќ во тимот секако ќе бидат многу поконкурентни дури и против „кариоките“.