Норвежанката Тереза Јохауг победи на последната трка од нејзината олимписка кариера, во масовен старт на 30 километри слободно скијање крос-кантри, освојувајќи го своето трето поединечно злато на Игрите во Пекинг.
Јохауг (33) на доминантен начин со злато ја заврши својата олимписка кариера, 16-ти за Норвешка на Игрите во Пекинг, што е рекорд на една земја на Зимските олимписки игри.
Норвежанката се приклучи на елитниот круг на трикратни олимписки шампиони на овие игри, заедно со Русинот Александар Болшунов, норвешката биатлонка Марта Роизеланд и холандската брза лизгачка Ирена Шоутен, зад единствениот четирикратен лауреат од Пекинг , Норвежанецот Јоханес Бое.
Американката Џеси Дидинс го освои среброто со 1:43 минути заостанување зад Јохауг, додека бронзата ја освои Керту Нисканен од Финска.
Трката беше поместена за три и пол часа поради силните ветрови и студот на планината Жанѓијаку.
Резултатите:
1. Тереза Јохауг (НОР) 1: 24: 54,0
2. Џеси Дигинс (САД) на 1: 43,3
3. Кертту Нисканен (ФИН) 2: 33,3
4. Џона Сандлинг (ШВЕ) 2: 35,4
5. Татјана Сорина (РУС) 2: 37,2
6. Рози Бренан (САД) 2: 38,7
7. Делфин Клодел (ФРА) 2: 40,0
8. Еба Андерсон (ШВЕ) 2: 41,5
9. Марија Истомина (РУС) 3: 06.1
10. Криста Пармакоски (ФИН) 3: 41,0
