Тимот на Веспрем е вториот учесник во финалето на СЕХА, откако во вечерашното второ полуфинале на завршниот турнир во Задар го совлада Мотор Запорожје со резултат 36:29.

Неизвесноста во овој меч траеше до пред крајот на првото полувреме, по што Унгарците со серија 7-1 дојдоа до високи 20-14 на полувреме, разлика која ја одржаа до самиот крај.

Македонскиот репрезентативец, Дејан Манасков, постигна два гола од четири обиди за унгарската екипа.

Претходно денеска, Загреб дури по изведување пенали беше подобар од Мешков Брест.