Зринка Љутиќ од Хрватска на Светското првенство во Панорама потврди зошто важи за голема идна ѕвезда на светското скијање. Таа го освои златниот медал во слалом на Светското првенство за јуниори .
Зринка Љутиќ е светска јуниорска шампионка во слалом. Во силната конкуренција во Панорама беше убедлива и далеку зад себе ја остави конкуренцијата.
Љутиќ имаше најдобро време по првото возење, но предноста пред Германката Ема Ајхер беше само три стотинки.
Второто возење беше сосема поинаква приказна, Љутиќ заврши фантастична работа и со второто време од второто возење само дополнително ја зголеми предноста во однос на првите конкурентки.
Така, второпласираната Ајхер заостана 84 стотинки зад Љутиќ, додека третопласираната Моа Бостроем Мусенер заостана дури секунда и 21 стотинка.
Љутиќ има уште една шанса за медал во велеслалом.
Претходно, за Хрватска медали освоиле и Исток Родеш (злато слалом, бронза комбинација), Елиас Колега (бронза слалом), Ана Јелушиќ (сребро и бронза слалом), Ника Флајс (сребро слалом), Јаница Костелиќ (сребро комбинација, бронза супер џи) , Ивица Костелиќ (бронза комбинација).
