Англискиот гигант Челси се соочува со сериозни проблеми по последните санкции кои беа воведени кон нивниот сопственик Роман Абрамович. Русинот беше протеран од Велика Британија, по што сакаше да го продаде клубот, но сега не може да го направи ниту тоа бидејќи му е „замрзнат“ целиот имот.

Медиумите од Островот објавија дека Челси не може повеќе да прави трансфери и да потпишува нови договори со фудбалерите, како и да продава дресови во фан-шопот, а тоа изгледа како првиот чекор кон распад на гигантот.

„Тајмс“ објави дека еден од најголемите спонзори на екипата, кој го има главното лого на дресот планира да го разгледа и поништи договорот, кој на „сините“ им носи дури 40 милиони фунти годишно. А се очекува овој потег да го следат и останатите спонзори на екипата од „Стемфорд бриџ“.