Селекторот на фудбалската репрезентација на Македонија, Благоја Милевски, го објави списокот на фудбалери на кои ќе смета на патот за пласман на Светското првенство во Катар. Македонија на 24.март ќе го предизвика европскиот првак Италија во Палермо, а пет дена подоцна, победникот ќе игра против подобриот од дуелот меѓу Португалија и Турција.
Милевски го повика Кристијан Наумовски за трет голман, за првпат заедно во А-тимот се и браќата Давид и Доријан Бабунски, а на списокот се и Елиф Елмас и Тихомир Костадинов, кои немаат право на настап на првиот бараж дуел против Италија.
Меѓу напаѓачите сепак немаше место за Илија Несторовски.
