Во Нион се одржа ждрепката за четвртфиналето и полуфиналето во Лигата на шампионите.

Во топчињата се најдоа имиња на осум екипи, главно англиски и шпански – по три, а при ждрепката немаше ограничувања.

Ова се паровите:

Манчестер Сити – Атлетико Мадрид

Челзи – Реал Мадрид

Бенфика – Ливерпул

Виљареал – Баерн Минхен

Дербито секако е дуелот меѓу актуелниот европски првак, Челзи и најтрофејниот тим во натпреварувањето, Реал Мадрид, кој направи спектакуларен пресврт против Пари Сен Жермен во осминафиналето.

Во четвртфиналето ќе имаме можност да видиме уште една англиско-шпанска пресметка, во дуелот помеѓу Манчестер Сити и Атлетико Мадрид.

Условно кажано, Ливерпул и Баерн добро поминааво ждрепката . Црвените ќе играат со Бенфика, а Баварците со шпански Виљареал, кој го изненади Јувентус. Во полуфиналето можен е дуелот помеѓу Ливерпул и Баерн.

Првите натпревари од четвртфиналето се на програмата на 5 и 6 април, а реваншите на 12 и 13 април.

Полуфиналните натпревари се закажани за 26 и 27 април, односно 3 и 4 мај.

Финалето ќе се игра во Париз на 28 мај.