Македонскиот репрезентативец Адис Јаховиќ поради повреда нема да може да се стави на располагање на А тимот за подготовките и натпреварите на македонската репрезентација против од плејофот за пласман на Светското првенство (СП) кое во 2022 година ќе се игра во Катар.
Фудбалерот на Гезтепе почуствувал болка во тетивата на денешниот првенствен натпревар од турското првенство. Лекарските прегледи потврдија дека Јаховиќ не е во можност да му помогне на репрезентативниот тим за претстојните мечеви.
Селекторот на македонската репрезентација, Милевски веднаш испрати повик до Ердон Даци. Поранешниот младински репрезентативец, прв пат добива можност за настап во А репрезентрацијата на Македонија. Фудбалерот на белгиски Вестерло е прв стрелец на својот клуб, стандарден првотимец на натпреварите за Вестерло, екипа која е лидер во втората лига и најсериозен кандидат за влез во најдобрата белгиска конкуренција.
Собирот на нашата најдобра репрезентација е закажан за утре во 20:00 часот. Првиот тренинг ќе го има во понеделник од 17:00 часот на тренинг центарот „Петар Милошевски“. Македонија ќе игра со Италија (24.март), а потоа Португалија или Турција (29. март).
