Италијанскиот велосипедист Сони Колбрели, инаку актуелен европски првак доживеал вистинска драма на крајот на првата етапа на трката низ Каталонија, откако по завршување на истата на целта, се онесвестил и колабирал по што со брза реакција на лекарските екипи бил пренесен во болница на додатни испутувања.
Италијанецот заврши на второто место на етапата и откако ја минал целта брзо побарал лекарска помош, откако му се слошило, па брзата помош интервенирала и му го масирала срцето, пред да го пренесе на клиника.
„Сони е свесен, разговара, но ќе има дополнителни прегледи. Добро е, може и да се движи. Падна во несвест на крајот од етапата, пружена му е дополнителна медицинска нега, но тој беше во стабилна состојба кога го префрлија во болница во Жирона. Тимот Бахреин Викториус сака да им се заблагодари на сите, пред сѐ на лекарските екипи за укажаната помош“, објавил тим-менаџерот на екипата.
Колбрели неодамна имаше здравствени проблеми откако се разболе од бронхитис.
