Бомба: Лео Меси и Халанд во еден тим, ама не во ПСЖ!

Медиумите во Шпанија утринава „лансираа“ вистинска бомба. Имено каталонскиот гигант Барселона по секоја цена сака да направи супер тим за следната сезона, во која ќе тргне и во освојување на Лигата на Шампионите.

Па така планот е по секоја цена да се доведе Ерлинг Халанд од Борусија Дортмунд. Јасно е дека ова од финансиски аспект е многу тешко, но во Барса се уверени дека може да излезат на крај со барањата на Норвешкиот суперголгетер.

Сепак, тоа не е се. Имено по само една година помината во Париз, Лео Меси, најдобриот фудбалер во историјата на каталонската гордост, би се вратил на “Камп Ноу“.
“Халанд и Меси заедно во Барселона? Немојте да се изненадите ако тоа се случи во следната сезона“ е изјавата на Енрик Масип, првиот советник на Хоан Лапорта, претседателот на Барса.