Роберт Левандовски, извонредниот голгетер има договор со Баерн Минхен до јуни 2023 година. Барем засега клубот нема започнато преговори за нова соработка, бидејќи фудбалерот покажува интерес да ја промени средината.

Најдобриот стрелец во Бундес лигата наводно сака да си замине од Баерн со цел да пронајде нов предизвик во кариерата. Има 33 години и веќе се докажа во дресот на Баварците и Бундеслигата.

Шпанскиот весник „Спорт“ објавува дека Левандовски би сакал да го облече дресот на Барселона следната сезона. Му се допаѓа стилот на игра што го наметна Чави, а со оглед на фактот дека претседателот на клубот Жоан Лапорта и неговиот агент Пини Захави се блиски пријатели, трансферот може да се реализира со многу малку пречки.

Интерес за Левандовски сигурно ќе има и од другите гиганти како Манчестер јунајтед и ПСЖ, но желбата на голгетерот е да се пресели на „Камп Ноу“.