Звездата на Бруклин, Кевин Дурент постави нов рекорд во својата кариера по број на постигнати поени на еден меч, откако синоќа даде 55 за Бруклин Нетс, но и тоа не беше доволно за победа против Атланта Хоукс, која славеше со 122-115 во директната пресметка за плејофот.
Дурент имаше магична ноќ во која буквално беше незадржлив, погоди и рекордни за него осум тројки, а поради неговиот ефект Бруклин се доведе во ситуација да го сврти мечот во своја корист, но Кајри Ирвинг промаши на 108-113, по што Тре Јанг со тројка практично ја обезбеди победата и потоа Нетс не можеа да ја стигнат предноста за да направат пресврт.
Ирвинг додаде 31 поен кај Бруклин, додека Јанг заврши на 36 како најефикасен во таборот на Атланта.
Голден Стејт славеше со 111-107 против Јута, најмногу благодарение на Клеј Томпсон кој даде 36 поени, а Крис Пол додаде 31 поен.
Чикаго, пак, загуби дома од Мајами со 109-127.
