Македонските фудбалски репрезентативци, Аријан Адеми и Стефан Ристовски, со пораз ја почнаа новата сезона во Лига Европа, откако нивниот Динамо Загреб вечерва, на домашен терен, загуби во пресметката со премиерлигашот Вест Хем (0-2).

Англискиот тим беше пресилен за „модрите“ од Загреб, па со по еден гол во двете полувремиња дојде до посакуваните три бода. Антонио го отвори резултатот во 22. минута по голема грешка на домашната одбрана, а конечниот резултат го постави Рајс пет минути по стартот на вториот дел од мечот. Адеми го одигра целиот натпревар, додека Ристовски беше заменет во 63. минута.