Откако вчера Алехандро Давидович Фокина го нокаутира Новак Ѓоковиќ, Карлос Алкараз денеска беше елиминиран од турнирот во Монте Карло .
Новата шпанска ѕвезда Карлос Алкараз нема да игра во третото коло на турнирот во Монте Карло. Алкараз во второто коло беше поразен од Себастијан Корда во три сета.
По поразот на Новак Ѓоковиќ од Алехандро Давидович Фокина, поразот на Алкараз секако е најголемото изненадување на турнирот. Младиот Шпанец беше еден од главните фаворити за победа откако покажа дополнителен напредок и одлична форма во последно време.
Уште кога излезе ждрепката, се зборуваше за потенцијален дуел меѓу Ѓоковиќ и Алкараз кој можеше да се случи во четвртфиналето, но на крајот и двајцата се сопнаа на првиот чекор.
Алкараз имаше доволно можности на мечот против Корда, почна со брејк во третиот сет, а потоа пропушти три брејк топки на 2:2 и на крајот падна при крајот на третиот сет.
Корда го чека противникот во третото коло, а тоа ќе биде Тејлор Фриц или Марин Чилиќ.
Монте Карло, втор круг:
Себастијан Корда (САД) – Карлос Алкараз (Шпанија, 8) 7: 6 (2), 6: 7 (5), 6: 3
Алберт Рамос (Шпанија) – Камерон Нори (Велика Британија, 7) 6: 4, 2: 6, 6: 4
Ласло Гир (Србија) – Лоренцо Сонего (Италија, 16) 6: 4, 6: 4
