Италијанскиот првак Интер ја победи Специја на гости со 1-3 и по подолг период повторно се врати на врвот на табелата во Серија А со 69 бода. Милан игра вечерва против Џенова, но без овој натпревар двата милански клуба имаат одиграно идентичен број натпревари и „нероаѕурите“ имаат бод повеќе.
Марсело Брозовиќ во 31. минута постигна прекрасен гол за водство на Интер, а Лаутаро Мартинез во 73.минута зголеми на 0-2. Неизвесноста ја врати Маџоре со погодокот во 88.минута, но Алексис Санчез во судиското продолжение го постави конечниот резултат, 1-3.
