Далас Маверикс се вратија во серијата против Јута Џез со победата на свој паркет од 110-104. Уште еднаш без Лука Дончиќ, но со многу расположениот Џејлен Брансон .
Јута Џез имаше одлична можност да ја отвори вратата од полуфиналето на конференцијата. Овој натпревар повторно го пропушти Лука Дончиќ, но Џезерите не знаеја како да го искористат тоа, во завршницата останаа само на расположениот Богдановиќ како некој што можеше да реализира , додека Маверикс го полнеа кошот на гостите.
Маверикс постигнаа 22 тројки со речиси 50 отсто успешност, имаа само три загубени топки, само два напаѓачки скока и речиси 20 скока помалку од Џезерите.
Но, тие го имаа првенствено исклучително расположениот Џејлен Брансон кој беше во ритам уште од првата четвртина и на крајот ја премина границата од 40 поени како само петти играч на Далас во историјата.
Се знаеше дека Брансон ќе ја преземе одговорноста во отсуство на Дончиќ, но сепак Џез не можеа да го задржат. Нему му се придружи и расположениот Макси Клебер кој шутираше само тројки и тоа одлично , 8/11.
Мичел одлично започна кај Јута, но Мавс успеаа да го забават. Кларксон исто така беше одличен, но беше запрен поради личните грешки и сето горенаведено едноставно влијаеше на конечниот исход и на првата победа на Далас.
Токму двете врзани тројки на Клебер му донесоа водство на Далас од 102-98, а до крајот на мечот Џез никогаш не излегоа од минус. Последните шест поени за Јута ги постигна Бојан Богдановиќ, кој остави многу добар впечаток и во вториот натпревар.
Богдановиќ за 40 минути постигна 25 поени (8/11 за два, 1/4 за три, 6/7 слободни) со пет скока, најефикасен беше Мичел со 34 поени и пет асистенции, а Кларксон додаде 21 поен.
Кај Далас, Брансон заврши со 41 поен (6/10 тројки) и осум скока, а Макси Клебер додаде 25 поени (8/11 тројки) со шест скока.
