Поранешниот кошаркар Адријен Пејн играше за три тима во НБА-лигата и два во Евролигата, а последните неколку месеци немаше договор со ниту еден тим, но веста која ги шокираше сите е тоа дека починал на 31-годишна возраст.

Најпрво не беше позната причината за смртта, но потоа американските медиуми ги објавија деталите и открија дека Пејн бил убиен.

Убиецот на кошаркарот е Лоренс Дирити, кој ја чекал полицијата на местото на убиството, по што бил уапсен и испратен зад решетки.

Засега не е познато која е причината што го натерала Дирити да го застрела Пејн.