Валенсија славеше со 89-85 против Обрадоиро во псоледното коло од регуларниот дел од сезоната во Ендеса-лигата и го освои третото место, додека македонскиот кошаркар Ненад Димитријевиќ постигна осум поени.

Екипата на Димитријевиќ отвори со 29-20 во првата четвртина, по што Обрадоиро на полувреме намали на 42-48.

Валенсија создаде огромни 16 поени предност пред последната четвртина, но домаќинот успеа да стигне до пресврт (79-78), по што следеше драматична завршница која ѝ припадна на гостинската екипа.

Дубљевиќ беше најдобар во редовите на Валенсија и постигна 22 поени, додека Димитријевиќ даде осум поени, а имаше и еден скок и четири асистенции.