Жарко Пешевски и Штутгарт немаа доволно сили за позитивен резултат на денешното гостување гостување кај Лемго кое го загубија со резултат 33-30.

Гостите беа одлични во првиот дел и истиот го реализираа во своја полза со 15-14, меѓутоа тоа темпо, ритам не го задржаа во второто полувреме или поточно попуштија во одбраната каде противникот ги пробиваше, даде 19 гола и направи пресврт за 13 триумф во сезоната.

Елисон со осум гола беше прв стрелец кај победникот, Милер пак за гостите даде шест погодоци. Македонскиот репрезентативец Пешевски одигра без грешка, даде еден гол од еден обид.

Штутгарт со 20 бода е на 15. место на табелата.