Спектакл за незаборав: Македонија ги совлада ракометните Ветерани

РФМ приреди вистински ракометен спектакл во СЦ „Борис Трајковски“.

На едно место ги собра оние кои ја градеа ракометна Македонија и оние кои допрва треба да покажат дека местото им е меѓу најдобрите. РФМ им оддаде почит на иконите на македонската репрезентација, кои играа против актуелните репрезентативци кои ќе ги бранат боите на СП кое ќе се одржи во Краков.

Шоуто кулминираше и со музичка забава за која беа задолжени познати ѕвезди, а шоуто го водеше Сашко Коцев.

Мечот на крајот заврши со победа на Македонија која ги совлада Ветераните на Македонија со 25-21, на полувремето беше 12-12.

Ракометарите кои ќе не претставуваат на Светското првенство во Полска и во Шведска овој месец, покажаа дека иднината останува на нив, но традицијата и наследството кои ги оставија ветераните секогаш ќе биде белег на нашиот репрезентативен ракомет.

Meчот се играше двапати по 20 минути, а и двете селекции почнаа во своите најсилни можни состави. Се играше гол за гол во првото полувреме, до 12-12 . Кире Лазаров во првиот дел беше во црвен дрес, во составот на Ветераните, а потоа го смени тимот, но како селектор на актуелната Македонија,

Првиот дел го одбележа фантастичниот гол со шрауба на Ванчо Димовски од околу девет метри.

Иако беа без Лазаров, хероите од минатото одиграа поефективно во вториот дел и по седум минути игра во него поведоа со 18-15. . Младите наметнаа темпо, постигнаа прво три гола по ред, а потоа направија серија од 9-1 до конечна победа.

За МВП на мечот беше прогласен Ванчо Димовски.