Главната ждрепка на Ролан Гарос сеуште не е започната, а веќе ги имаме првите вести за потенцијално наместен натпревар.
Според францускиот „Тим“ е доведена во прашање регуларноста на натпреварот од првото коло од квалификациите меѓу Шпанецот Бернабеу Запата Мираљес и Израелецот Дуду Села.
Надлежните органи го оспоруваат вториот сет во кој, како што се наведува имало огромни уплати. Шпанецот тој дел од играта го доби со резултат 6:0, откако во првиот дел од играта беше подобар со 6:3.
Веднаш е покрената истрага, а се посочува дека „под лупа“ е 37-годишниот Села кој го загуби вториот сет за 17 минути и освои само седум поени.
Сомнежот е отворен поради големи уплати на оператори од Кипар, Ерменија и Украина.
