Викторија Азаренка, некогаш првата тенисерка на светот, се пласираше во третото коло на Ролан Гарос.
Белорусинката, 15. носителка на Грен слемот во Париз, ја победи Германката Андреа Петковиќ по 109 минути игра со 6:1, 7:6 (3).
Во почетниот сет Азаренка лесно стигна до 6:1 со три брејка.
Петковиќ одигра подобро во продолжение, во третиот гем направи брејк и поведе со 3:1.
Сепак, следеше возбудлива завршница, при 4:3 за Петковиќ, следеа три последователни брејка.
Во тој десетти гем Андреа не ја искористи сет топката, па беше 5:5 и набрзо стигнаа до тај-брејк кој Азаренка го доби со 7:3.
Во следната рунда ќе се соочи со Џил Тајчман, која ја победи Олга Даниловиќ со 6:4, 6:1.
Натпреварувањето во Париз заврши за шампионката на УС Опен, Ема Радукану.
Белорусинката Александра Саснович беше подобра од 12. тенисерка во светот од Велика Британија со 3:6, 6:1, 6:1.
Одиграа 126 минути, а Радукану одигра многу слабо во последните два сета.
Саснович во третото коло ќе игра против Германката Анжелик Кербер, која со 6:1, 7:6 (2) ја победи Елза Жаке од Франција.
До пласман во третото коло стигна и Белгијката Елиза Мертенс, но без борба, бидејќи Марија Бузкова од Чешка не се појави на теренот.
