Никола Јокиќ ги соборува сите рекорди, ќе стане најплатениот кошаркар досега

Никола Јокиќ МВП на НБА лигата, ќе потпише нов, астрономски договор со Денвер Нагетс. За пет години Јокиќ треба да добие 260 милиони долари.

Никола Јокиќ втора година по ред е МВП играч на НБА лигата, а оваа сезона практично го донесе Денвер во плеј-офот каде во првото коло беше запрен од Голден Стејт, првиот финалист во НБА лигата. .

Тимот од Колорадо ќе биде во позиција да му го понуди тој договор во јули, а како што пренесува еден од најпознатите НБА новинари Чарани, центарот на Денвер ќе го прифати тоа. Во првата петорка на најсилната кошаркарска лига во светот, за најдобар центар беше избран и Никола Јокиќ.