Францускиот шампион ПСЖ потврди дека Нуно Мендеш официјално е нивни фудбалер, откако во сезоната 2021/22 играше на позајмица во клубот од Париз и настапи на 37 меча, при што запиша и две асистенции.

ПСЖ ја активираше откупната клаузула и за Португалецот плати 40 милиони евра, а Мендеш потпиша договор со гигантот до 2026 година.

Младиот фудбалер има 13 настапи за португалската репрезентација, а беше и номиниран за најдобар млад фудбалер во француската Лига 1 за претходната сезона.