Ги изненади сите со преминувањето во ислам, а сега го откри новото име и причините за промена на верата

Фудбалерот на лондонски Арсенал, Томас Парти (28) изненади многумина кога објави дека преминал во ислам.

Играчот од средниот ред на Гана неодамна се одлучи на овој потег, а сега откри и зошто го направил овој голем чекор во животот. Тоа е неговата убава девојка Сара Бела која е муслиманка.

„Таа е девојка која ја сакам. Јас пораснав со муслимани и тоа не ми е проблем“, изјави Парти.

Потоа ги изненади сите велејќи дека веќе се оженил со Сара и дека има муслиманско име.

„Веќе сум оженет со Сара. Моето муслиманско име е Јакубу“, изјави Томас Парти.

28-годишниот фудбалер пристигна во Арсенал од Атлетико Мадрид во 2020 година. Тој беше платен 50 милиони евра, а за Топџиите настапи на вкупно 59 натпревари со два постигнати гола.

Пред Арсенал, Парти играше за Атлетико Мадрид, Алмерија и Мајорка.