Македонскиот селектор Кире Лазаров го одигра последниот натпревар за Нант во домашниот шампионат, па на дуелот против Тулуз постигна три гола во победата од 32-18.

Лазаров вчера го најави својот крај на кариерата, па денеска се збогуваше од домашната публика, а до крајот на сезоната му останува да одигра уште еден меч, и тоа против ПСЖ во Купот.

Нант ја заврши сезоната на втората позиција во француското првенство со 49 бодови, односно 11 помалку од шампионот ПСЖ.