Еден од најпознатите кошаркари на сите времиња, легендарниот Карим Абдул Џабар не е голем љубител на стилот на кошарка кој се форсира во НБА лигата.
Поранешниот центар смета дека играта ја загубила смислата поради големиот број на шутеви за три поени. На Џабар воопшто не му се допаѓа овој стил.
„Искрено, денешната НБА лига ми личи на натпреварување за тројки. Во мое време имавме десет обиди за три поени во текот на натпреварот, а сега имаш 20 во една четвртина. Некому тоа му се допаѓа, но мене искрено воопшто не ми е интересно“, вели тој. Џабар.
Најдобриот стрелец во историјата на НБА лигата има дадено тројка само еднаш во кариерата, можеби затоа и не е љубител на ваквиот начин на игра.
„Мислам дека тоа беше мојот единствен шут за три поени во кариерата. Се сеќавам дека топката се одби во аголот, едвај ја фатив, се свртев и погодив. Не сум се обидел ниту порано, ниту оттогаш, и се уште сум најефикасен играч на сите времиња“, се сеќава центарот.
Џабар во својата богата кариера освои шест шампионски прстени, пет со Лејкерси и еден во дресот на Милвоки Бакс. Тој постигна нереални 38.387 поени, повеќе од 1.000 во споредба со вториот на вечната листа , Леброн Џејмс.
