Македонскиот борач Могамедгаџи Нуров се пласираше во големото финале во борење во слободен стил на Медитеранските игри откако со 6-1 во полуфиналето беше подобар од Елдерс Мустафа од Египет.

Нашиот борач претходно оствари три победи против своите противници од Тунис, Алжир и Шпанија. Финалето е утре, а противник на Нуров ќе биде Фејзула Актурк од Турција.

Со овој пласман во финалето Македонија осигура медал на Игрите во Оран, Алжир.