Хрватките ватерполисти се пласираа во полуфиналето на Светското првенство во Будимпешта, откако беа подобра од репрезентацијата на Србија.
Во натпреварот од четвртфиналето на планетарното првенство, „баракудите“ со агресивна одбрана ја уништија играта на избраниците на Дејан Савиќ и триумфираа со резултат 14:12.
Во полуфиналето ќе го чекаат подобриот од дуелот меѓу Црна Гора и Шпанија кои се среќаваат во 19.30 часот.
Започна многу тврдо и со мал број на голови и само во првите осум минути , на едната страна погодија Мариниќ-Крагниќ, а на другата Виктор Рашовиќ.
Во вториот период се разгоре борбата и видовме уште многу голови, а се играше гол за гол, при што Хрватска постојано имаше предност.
Така „баракудите“ со +1 заминаа на големиот одмор, а третиот дел беше отворен со ново израмнување за 5:5.
Меѓутоа, потоа во три напади Србија прими три гола, па Хрватска побегна на 8:5.
Српските „делфини“ ги разбуди Душан Мандиќ, кој врза три гола, но одбраната не можеше да го следи тоа.
Очигледен беше преголемиот пад на концентрацијата во дефанзивниот дел кај Србија, а квалитетните хрватски ватерполисти тоа одлично го користеа.
Капитенот Бранислав Митровиќ секој пат остануваше немоќен на голот и без никаква шанса да реагира, бидејќи Хрватите по правило речиси секогаш доаѓаа до зицер позиција.
Натпреварот го реши голот на Андрија Башиќ на четири и пол минути до крајот кога беше 13:10 , а потоа и Лорен Фатовиќ со мајсторски лоб за 14:11. До крајот Србија успеа да постигне само уште еден гол и да го ублажи поразот на конечни 14:12 . Интересно е тоа што во хрватскиот тим сите ватерполисти се запишаа во листата на стрелци , а одличен на голот беше Тони Попадиќ .
Србија – Хрватска 12:14 (1: 1, 3: 4, 5: 5)
Судии: Георгиос Ставридис (Грција), Ѓерѓ Кун (Унгарија)
Србија: Лазар Добозанов, Душан Мандиќ 4 (1), Гаврил Суботиќ 1, Сава Ранѓеловиќ, Ѓорѓе Лазиќ, Немања Вицо 1, Страхиња Рашовиќ 1, Никола Лукиќ, Никола Јакшиќ 2, Марко Радуловиќ 1, Радомир Драшовиќ, Виктор Рашовиќ, Виктор Рашовиќ 2. (9 одбрани)
Хрватска: Марко Бијач, Лорен Фатовиќ 1, Иван Крапиќ 1, Франко Лазиќ 2, Лука Букиќ 1, Анте Вукичевиќ 1, Марко Жувела 2, Јерко Мариниќ Крагиќ 2, Јосип Врлиќ 2, Андрија Башиќ 1, Константин Харков 1 (1), Тони Попадиќ (12 одбрани)
Резултати: 0: 1 Мариниќ Крагиќ, 1: 1 Рашовиќ, 1: 2 Жувела, 2: 2 Вико, 2: 3 Мариниќ Крагиќ, 3: 3 Јакшиќ, 3: 4 Харков (5м), 4: 4 Јакшиќ, 4:5 Врлиќ, 5: 5 Суботиќ, 5: 6 Вукичевиќ, 5: 7 Крапиќ, 5: 8 Врлиќ, 6: 8 Мандиќ, 6: 9 Лазиќ, 7: 9 Мандиќ, 8: 9 Мандиќ (5м), 8:10 Лазиќ, 9:10 Рашовиќ, 9:11 Букиќ, 10:11 Рашовиќ, 10:12 Жувела, 10:13 Башиќ, 11:13 Радуловиќ, 11:14 Фатовиќ, 12:14 Мандиќ
