Машката репрезентација на Македонија ги доби ривалите во групата за Светското првенство во 2023 во Полска и Шведска.
Македонија ќе игра во групата Ф што ќе се игра во Краков со силната Норвешка, како и незгодните Аргентина и Холандија.
Првите три репрезентации од групата ќе се пласираат во главната рунда на Мундијалот, каде што ќе вкрстат со три селекции од групата Е, во која се Германија, Катар, Србија и петтопласираната селекција од Африка.
Светското првенство ќе се игра во четири полски града – Краков, Катовице, Гдањск и Плоцк, како и во пет шведски града – Малме, Јончопинг, Гетеборг, Кристијанштад и Стокхолм од 11 до 29 јануари.
Според првичниот распоред, кој допрва треба да биде потврден од страна на ИХФ, Македонија во првото коло ќе се сретне со Норвешка на 13 јануари.
Два дена подоцна ќе биде средбата со Холандија, додека групната фаза ќе ја завршиме со дуел против Аргентина на 17 јануари.
Сите натпревари на Македонија ќе почнат од 20:30 часот, но со оглед на тоа што и Норвешка е во нашата група, нема да биде изненадување ако тие ги добијат сите централни термини.
Светско првенство, распоред, група Г:
13 јануари, 20:30 часот, Македонија – Норвешка
15 јануари, 20:30 часот, Македонија – Холандија
17 јануари, 20:30 часот, Македонија – Аргентина
