Јаник Синер и Карлос Алкараз се соочија во осминафиналето на Вимблдон, а место во четвртфинале обезбеди Италијанецот, кој славеше со 3-1 во сетови, односно 6-1, 6-4, 6-7 и 6-3.

Шпанецот имаше проблеми во првиот сет и загуби два гема на свој сервис, а тоа му помогна на Синер да стигна до 6-1, додека вториот сет му припадна на Италијанецот со 6-4.

Голема битка се водеше во третиот сет, кој се решаваше во тај-брејк, каде што подобар беше Алкараз со 10-8 и ја врати надежта дека може да направи пресврт. Меѓутоа, последниот сет повторно го реши еден брејк, и тоа во четвртиот гем со кој Синер стиггна до 6-3.