Јувентус и Баерн Минхен синоќа постигнале договор за трансферот на Матијс де Лихт, со што Холанѓанецот ќе си ја исполни желбата за нов предизвик, но ќе остави и голема дупка во одбраната на „бјанконерите“ (претходно замина и Џорџо Кјелини).Раководството на италијанскиот тим веќе одамна ги разгледува опциите за вакво сценарио и според медиумите, сега подиректно се вклучи во битката за потписот на Бремер.

Бразилецот е пикиран и од Интер и неговиот тренер Симон Инѕаги, а информациите велат дека Јувентус испратил нова понуда, која овозможува подобри услови и за дефанзивецот и за неговиот клуб Торино.

Лицитацијата за Бремер ја подигна неговата цена до 40 милиони евра, а најзадоволен е претседателот на Торино, Урбано Каиро, кој ќе има голем профит од зделката за фудбалерот за кого му е јасно дека нема да остане во неговиот клуб.

Деновиве може да ја донесат и конечната разврска, па останува да се види кој клуб ќе го избере Бремер и чија одбрана ќе засили во новата сезона. Интер денеска ќе има состанок со агентот на фудбалерот и има мала предност од овој аспект, но сепак одлуката ќе биде на фудбалерот.