Македонскиот шампион Шкупи, кој вчера загуби со 0-1 од Динамо Загреб и го заврши настапот во квалификациите во Лигата на шампионите, ќе се соочи со ирски Шамрок роверс во третото коло во Лига Европа.

Ирците денеска дојдоа на чекор да направат сензација и да се изборат макар за продолженија против бугарски Лудогорец, после убедливите 0-3 во Разград, но фаворитот и со десетмина успеа да им даде гол во судиското надополнување и да не дозволи сензација.

Грин во 21-та минута донесе водство за Шамрок, а Шоу во 51-та доби втор жолт картон и беше исклучен, но дури во 88-та Емаку ја дуплираше предноста и донесе крајно неизвесна завршница, во која Каулу во 91-та им ги урна надежите на Ирците, во мечот кој траеше скоро сто минути.

Првиот меч на Шкупи и Шамрок е на 4 август, а реваншот на 11 август.