Ако навивачите на Партизан мислеа дека не може да биде полошо по двата последователни неуспеси против Раднички во Ниш и ТСЦ во Хумска, се излажаа.
Агонијата на нивниот клуб продолжи во Нови Пазар, каде вечерва црно-белите го претрпеа првиот пораз во четирите одиграни суперлигашки кола.
Пазарци победија со 1:0, а решавачкиот гол го постигна Милош Мијиќ од пенал во 25. минута од натпреварот, откако Синиша Саничанин во шеснаесетникот на Партизан го собори агилниот Андрија Мајдевац.
За да биде уште полошо за Партизан, стоперот на Партизан доби втор жолт картон во таа прилика и црно-белите одиграа околу 65 минути со играч помалку на теренот.
Пред тоа се закани само Рикардо во 18. минута по одличното додавање на Бибрас Натхо, а по исклучувањето на Саничанин, Пазарци за малку ќе дојдеа до вториот гол, кога Мијиќ шутираше од работ на шеснаесетникот покрај четворица противнички играчи и ја погоди стативата.
Партизан во првото полувреме имаше дури 70 проценти посед на топка, но тоа не беше никаква вредност за избраниците на Илија Столица кои немаа идеја како да постигнат гол.
Подоцна малку повеќе енергија во играта на Партизан внесе крилниот напаѓач Фусени Диабате, едно од најновите засилувања на црно-белите летово, а забележлив беше и младиот напаѓач Самед Баздар кој доби шанса во вториот дел.
Во 73. минута Бојица Никчевиќ се проби по десната страна, извлече одлична контра, по што одлично нафрли на втората статива за Мијиќ, кој биеше само во надворешниот дел од мрежата.
Четири минути подоцна, домашниот голман Филип Кљајиќ беше во искушение, Баждар одлично го проигра на Рикардо Гомеш кој упати удар кон долниот десен агол, но Кљајиќ одлично одбрани.
До крајот црно-белите се закануваа во судиското надополнување, имаше гужва пред голот на Кљајиќ, но Баждар не успеа да ја испрати топката во мрежата.
